130 PULIS POSITIBO SA DROGA

SA halos 100,000 miyembro ng Philippine National Police (PNP), 130 sa kanila ang nagpositibo sa paggamit ng droga.
Nabatid sa PNP na nasa kabuuang 99,598 police officers ang sumalang sa drug tests sa buong bansa, kabilang ang mga may ranggong police major o chief inspector.
Hindi muna pinangalanan ni Chief Supt. Emmanuel Aranas, director ng PNP Crime Laboratory, ang mga opisyal nitong nagpositibo sa illegal drug use pero kabilang umano sa kanila ang pulis sa Meycauan, Bulacan na natagpuang patay at may cardboard pa na nagsasabing siya ay "pusher."
May ilang babaeng pulis din umano ang nagpositibo bagamat hindi na binanggit ni Aranas ang bilang ng mga ito.
Nagpadala na umano ang PNP ng notice o abiso sa mga pulis na nagpositibo sa paggamit ng ipinagbabawal na gamot.
Sinabi ni Aranas na ipauubaya na kay PNP Chief Dir. Gen. Ronald "Bato" dela Rosa kung ano ang gagawin sa mga nagpositibo sa illegal drugs bagamat otomatiko ring mahaharap ang mga ito sa kasong administratibo.
Isinagawa ng PNP ang random drugtests upang malinis ang hanay nito.

41 PRESO GRUMADWEYT

NAGTAPOS sa elementarya at high school ang may 41 inmates sa Quezon City Jail Male Dorm kaugnay sa programa ng Alternative Learning System ng Department of Education ngayong taong 2015-2016.
Isinagawa ang graduation rites sa loob mismo ng Quezon City Jail.
Ang naturang programa ay inilunsad sa QCJ-MD apat na taon na ang nakararaan kaagapay ang DepEd at pinamahalaan ng mga mobile teacher at Welfare Development Unit kung saan binabase sa facilitating  modular ang mga isinasagawang pag-aaral o basehan sa elementary at secondary level.
Layunin ng Alternative Learning System Program na mabigyan ng pagkakataon ang bawat inmates na makapag-aral at makapagtapos ng basic education kahit sila ay nakapiit habang hinihintay ang hatol sa kanila ng hukuman.

Pokemon Go bawal sa Olongapo

Mahigpit na ipinagbabawal ni Olangapo City Mayor Rolen Paulino ang paglalaro ng nauuso ngayong mobile application na Pokemon Go.

Paliwanag ng alkalde, mapanganib para sa mga menor de edad ang paglalaro ng Pokemon Go lalo na kung  masama ang panahon.

Itutulak ni Paulino sa konseho ng lungsod ang pagtitibay ng ordinansa para hulihin ang mga kabataang naglalaro ng Pokemon Go kapag suspendido ang klase sa mga eskuwelahan.

Sinabi ng alkalde na kaya siya nagdedesisyon na kanselahin ang klase sa lungsod kapag may matinding pag-ulan o bagyo ay upang tiyakin na ligtas ang mga kabataan sa kani-kanilang tahanan.

Subalit hindi na aniya makatwiran na tila nakukunsinti ang mga kabataan sa paglalaro ng Pokemon Go sa kalsada kapag suspendido ang klase.

Sa paglalaro ng Pokemon Go, kinakailangang gumalaw o maglakad ang manlalaro na bitbit ang kanyang mobile phone.

Death toll sa habagat 14 na

UMAKYAT na sa labing-apat ang mga nasawi dahil sa matinding ulan na dulot ng hanging habagat sa Pilipinas.
Ayon sa National Disaster Risk Reduction and Management Council (NDRRMC), nadagdag sa bilang ang hindi pa nakikilalang biktima ng pagkalunod sa Palawan.
Nangingisda umano sa maalong bahagi ng dagat sa Barangay Calasaguen sa Brooke’s Point ang biktima bago ito naiulat na nawawala.
Samantala, walong indibidwal pa ang nawawala habang anim ang sugatan bunsod pa rin ng hanging habagat.
Tinatayang 17,896 na indibidwal naman ang nananatili sa mga evacuation center.
Aabot din sa 262,271 tao ang naapektuhan ng masamang panahon sa Calabarzon, Western Visayas, National Capital Region at Cordillera Administrative Region.
Iniulat ng NDRNMMC na may 24 kalsada ang hindi madaanan pansamantala sa Abra, Benguet, Ifugao, Kalinga at La Union.

Philippines News Agency: First Pinay Fil-Am Admiral in US Naval Command is ...

Philippines News Agency: First Pinay Fil-Am Admiral in US Naval Command is ...: LEGAZPI CITY, July 7 (PNA) -- "There is no goal that is unachievable." This was the message of US Navy Rear Admiral Bette Bolivar ...

Philippines News Agency: US Naval Rear Admiral Bolivar leads turnover cerem...

Philippines News Agency: US Naval Rear Admiral Bolivar leads turnover cerem...: DARAGA, July 8 (PNA) -- United States Navy Rear Admiral Bette Bolivar of US Naval Command led on Friday the turnover ceremony of a two-class...

Group alarmed by Oplan RODY expansion in provinces

A YOUTH group expressed alarm after more local government units and their respective police commands have begun implementing or are planning to duplicate Oplan RODY or Rid the Streets of Drunkards and Youth in an effort to curb vices and petty crime.

The Samahan ng Progresibong Kabataan or SPARK has asked city officials to suspend the implementation of their ordinances and make it in tune with the recent societal changes brought about by programs of the national government such as the K-12 program of the Department of Education as well as the student employment program of the labor department which commenced only in 2009.

Oplan Rody is reportedly to be in full swing in the cities of Quezon City, Las Pinas, Manila, Pasay, Caloocan, Malabon, Mandaluyong and Makati.

Recently, the cities of Bacoor in Cavite and Lipa in Batangas have as well “activated” their long-standing ordinances to prohibit minors outside their homes from 10pm to 4am. Police officials in Mandaue City in Cebu province also intends to implement its curfew ordinance which was passed in 1999. The Mayor of Baguio City has also publicly expressed his support for Oplan Rody.

“On one side, we admit that local government units have the responsibility to curb petty crime and vice but then again it counteracts other programs that the national government has implemented only recently,” said Joanne Lim, member of the National Secretariat of SPARK.

The Diliman-based activist lamented that the city mayors and police have mindlessly and indiscriminately enforced their “Jurassic” ordinances in an effort to get into the good side of the next administration without taking into account the day-to-day struggles of commuting and working students.

“If Oplan Rody’s implementation in Metro Manila systematically and indiscriminately victimized students in the past weeks, how much more if implemented as well in the cities and municipalities around Metro Manila where they are enrolled and employed,” Lim reasoned.

“If only students do not suffer from horrendous traffic jams, flooded streets in the rainy season and inadequate public transport systems on a daily basis then it can be implemented as early as 10pm but that is not the case. The immense volume of people travelling to and from Cavite, Rizal and Laguna, many of them students will require longer travelling hours”.

“Senior High students as well as working students will need more latitude and consideration from authorities,” she said.

Lim added that, “to implement the curfew in the manner which is done as seen on television is not only traumatic but also indiscriminate. Such draconian measures and methods cannot be implemented without violation of human rights because all minors found past 10pm, are under the presumption of criminal activity not unless proven to be enrolled or came from their graveyard shift at work”.

SPARK claims that it is willing to sit down with city and police officials in order to formally present the side of the students and ensure that their rights and welfare are guaranteed at all times.

SEX IN THE CITY

KAWALAN ng pag-asa ang isa sa mga dahilan kaya nabubuyo ang ilang babae na pumasok sa prostitusyon o magpakita ng katawan para kumita ng salapi.
Madaling kumita sa ganitong paraan. Kailangang kumita agad para sa araw-araw na pangangailangan. Iyan ang tugon ng iba.
Nagmamadali.
Pero ang iba ay luho ang dahilan. Ang iba ay inggit ang nag-uudyok. Bakit? Kailangang maging "in" sa mga gamit. Dapat maging trendsetter at hindi masapawan. Diyan madaling kumita kaya sa ganyang paraan din nila masusunod ang luho ng katawan. Ano nga bang silbi ng kanilang ganda kung hindi mapapaganda pang lalo. Pano yung pambili ng mamahaling pabango, damit, kolorete at pagpunta sa mga happenings at gimik?
Inggit! Ba't mayroon ang iba na wala ako? Sila lang ba ang may karapatang maging masaya at guminhawa at masunod ang gustong gawin at bilhin? Ang mga patagong tanong ay inihahanap nila ng mabilis na tugon - at ang pagbebenta at paghuhubad ang napagbabalingan. Iyan ang tugon, para sa kanila.
Ngunit, may mga dramatiko at madamdaming dahilan. Makabagbag-damdaming kuwento ng mga babaeng nasadlak sa lusak para mahango sa kahirapan ang kanilang pamilya.
Iyan ang tunay na bersyon ng dala-sa-pilit at kapit sa patalim na paglusong ng ibang babae sa putikan ng kamunduhan.
Ngunit hindi pa rin iyan ang wagas na dahilan.
Maling desisyon.
Ang iba ay rebelde. Hindi makaramdam ng pagmamahal sa mga magulang kaya naghanap ng ibang kalinga. Pagpapabaya ng mga magulang ang dahilan. Hangal na katwiran.
May bersyon din ng naanakan ng boyfriend ngunit tinakasan, at upang mabuhay ang anak ay sa kasa o beerhouse napunta.
Kailangan bang intindihin at bigyan ng katwiran ang mga dahilan o dapat lang na tanggapin dahil sila ay parte ng entablado ng aliwan?
Hindi nga mawawala ang ganyang klaseng trabaho pero hindi dapat maging pangunahing atraksyon iyan sa mga babaeng binigyan lang ng konting ganda ng mukha at katawan ay magdedesisyon nang pumasok dahil may "K" sila.
Maling pananaw. Wala sa katwiran.
Sistema nga ba ang dahilan kaya ang ibang babae ay nasa lansangan at nagpapahagip sa mga ganid sa laman?
Sistema na ba na ang isang batambatang babae na maganda ay bibihisan ng magulang upang papasukin sa club?
Habang umiikot ang mundo at habang sumisikat at lumulubog ang araw ay maraming kuwestyon ang kasama ng sirkulong ito kaya dapat na lang bang tanggapin ang katotohanang andiyan na yan?
Sistema!
Ano sa inyo??

WHAT TO DO WITH COLORUM PUVs? ... BURN 'EM

Sunugin ang mga kokirum na sasakyan dahil ito ang nagpapasikip ng daloy ng trapiko sa Metro Manila.
Ito ang biro ni dating MMDA Chairman at ngayon ay Marikina Congressman-elect Bayani Fernando nang makausap ng media habang nagsasagawa ng orientation sa Malaking Kapulungan ng Kongreso.
Pagbibiro pa nito na kung pwede nga lang sanang sunugin na agad ang lahat ng mga mahuhuling kolorum na unit para mabawasan ang mga ito.
Sa pagbubukas aniya ng 17th Congress ay kanyang isusulong ang pagpapabigat sa parusa sa mga mahuhuling kolorum na sasakyan.
Isa rito ang pagtataas ng multa sa mga sasakyang iligal na namamasada para malugi ang mga operator ng kolorum.
Masyado aniyang magaan ang multa sa mga kolorum kaya maraming operators ang sumusugal kahit nahuhuli ang kanilang units paminsan-minsan.
Ang kailangan aniya ay madala na ang mga salarin sa unang violation pa lang.
Sa pangalawa ay dapat nang malugi ang mga operator ng iligal na namamasada.
Kailangang kalahati aniya ng halaga ng sasakyan ang multang ipataw sa mga kolorum operator.

7 carnappers patay sa tropa ng veteran Davao crimefighter

NAGSILBING ‘opening salvo’ ng bagong talagang Police Region 3 director ang pagkakapatay ng kanyang mga tauhan sa pito na hinihinalang karnaper matapos tangkain ng mga itong takasan ang checkpoint sa magkahiwalay na lugar sa  bayan ng Angeles, lalawigan ng Pampanga.
Ayon kay P/Chief Supt. Aaron Aquino, regional director ng Region 3, ang mga napatay ay miyembro ng Jimboy Santos carnapping group na nag-o-operate sa nasabing rehiyon ngunit patuloy pang inaalam ang pangalan ng mga ito.
Base sa ulat, dakong 10:30 ng umaga nang maganap ang shootout sa lugar ng EPZA sa Pulung Cacutud, Angeles City at Barangay San Juan ng nasabing bayan.
Napag-alaman na sa EPZA, dalawa sa mga suspek na nakasakay ng Mitsubishi Montero na may plakang  PQC 877 ang nasawi habang sa lugar naman ng Barangay San Juan, apat na sakay ng Mitsubishi Adventure ang napatay.
Sa pahayag ni Aquino, nakatanggap sila ng intelligence report na muling mambibiktima ang grupo at ang Seatex Industries ang kanilang balak pasukin.
Dahil dito, agad na pinagplanuhan ng Pampapaga PNP ang gagawing operasyon laban sa grupo upang madakip subalit lumaban ang mga ito na naging sanhi ng kanilang kamatayan.
Kalaunan, kinumpirma ni Aquino na isa sa mga napatay ay si Jimboy Santos na siyang lider ng grupo.
Samantala, nagulantang naman ang mga pulis at mga mamamahayag nang biglang may nagsisigaw na tao sa ilalim ng Adventure na humihingi ng tulong na napag-alamang isa sa mga suspek na posibleng nagtago sa gitna ng putukan. Isinasailalim na ito ngayon sa masusing imbestigasyon.
Si Aquino ay kauupo lamang bilang director ng Region 3 at dating PRO11 deputy regional director for administration na isang beteranong crimefighter sa Davao City.

Obispo pinapili: P10 milyon o ibubulgar ko ang relasyon ko sa pari?

Kulungan ang binagsakan ng isang nurse nang ipaaresto ng obispo na kanyang tinangkang kikilan matapos bantaang ibubulgar ang kanya umanong affair sa isang pari sa lalawigan ng Sorsogon.
Nakapiit ngayon sa detention cell ng Sorsogon-PNP at nahaharap sa kasong robbery extortion ang suspek na si Leo Funtanares, 26, residente ng naturang lugar.
Kwento ni Bishop Arturo Mandin Bastes, nagtungo sa kanyang tanggapan si Funta-nares noong Mayo 3, 2016, at inamin ang relasyon umano nito sa isa sa mga pari na nasa ilalim ng hurisdiksyon ng una. Pakay ng suspek na humingi ng tulong upang matigil na ang relasyon nila ng pari.
Ngunit pagdating ng Mayo 13, 2016, nabigla umano ang obispo nang hingan na siya ng P10 milyon ng suspek at pinagbantaan pa siya na isasapubliko ang relasyon nila ng hindi pinangalanang pari.
Makalipas ang halos 11 araw ay bumalik si Funtanares at sinabing binawasan na niya ang kanyang hinihingi sa obispo at ginawa na lamang itong P5 milyon. Dahil sa pamimilit ng suspek, binigyan ito ni Bishop Bastes ng P25,000 at sinabihan na bumalik sa kanyang opisina makaraan ang dalawang linggo para sa ikalawang installment.
Lingid sa kaalaman ng suspek, nakipag-ugnayan si Bastes sa mga awtoridad at agad isinagawa ang entrapment operation.
Nakumpiska sa suspek ang isang puting sobre na nag-lalaman ng perang nagkakahalaga ng P25,000 at ang acknowledgement receipt na pirmado pa ni Funtanares na may petsang Hunyo 1 at Hunyo 17, 2016.
Matapos nito, dinala sa nasabing himpilan ng pulisya ang suspek at sinampahan ng kaukulang kaso.

5-ANYOS NASUNOG HABANG SINA MOMMY AT DADDY NASA PARTY

Habang nagsasaya ang mag-asawa sa birthday party ng isa nilang kapitbahay, wala silang kamalay-malay na nilalamon na ng apoy ang kanilang bahay at kasamang natupok ang bunso nilang anak sa bayan ng Maasim, Sarangani.
Nagmistulang uling ang 5-anyos na si Jerson Mariola na natagpuan matapos masunog ang kanilang bahay sa Seven Hills sa nasabing bayan. Sugatan naman ang kapatid nitong si Genelyn Mariola.
Sa imbestigasyon ng pulisya, pinatulog muna ng mag-asawang Johnny at Ailyn Mariola ang bunsong si Jerson saka binilinan ang mga nakatatandang anak na sina Genelyn at John Rey na huwag iiwan ang kanilang kapatid habang nasa party sila.
Habang nasa sala umano at nanonood ng telebisyon ang magkapatid na Genelyn at John Rey pasado alas-8 ng gabi nang mapansin nilang nagliliyab ang isang bahagi ng kanilang bahay.
Nahintakutan ang magkapatid kaya tumakbo patungo sa bintana at tumalon. Sa kanilang pagtalon ay nasugatan at nabalian si Genelyn. Nasa labas na ng bahay ang dalawa nang maalala ang natutulog na bunso.
Agad humingi ng tulong ang magkapatid ngunit dahil yari sa light materials ang kanilang bahay ay mabilis itong nilamon ng apoy.
Hindi pa natutukoy kung bakit nasunog ang tahanan ng mga Mariola.

GINILITAN NANG NAKAGAPOS

CABANATUAN CITY-Kalunos-lunos ang sinapit na kamatayan ng isang lalaki matapos igapos na parang baboy at gilitan ng leeg sa pagitan ng Garcia at Diaz St., Brgy. Aduas Centro, kamakalawa.
Sa ulat mula kay P/Sr. Supt. Manuel E. Cornel, Provincial director, Nueva Ecija Provincial Police Office (NEPPO), halos humiwalay ang ulo ng biktimang si Jimbo Ponce y Cauyao, 30, may asawa, tricycle driver, residente ng Purok 2, Brgy. Vijandre, Cabanatuan City.
Sa imbestigasyon ni PO3 Jessie Fernando, may hawak ng kaso, lumabas na dakong alas-6:30 ng umaga nang matagpuan ng mga residente ang bangkay ng biktima na nakalupasay sa bakanteng lote sa nasabing lugar.
Bakas sa biktima na dumanas ito ng pahirap sa kamay ng mga hindi pa nakikilalang salarin.
Nabatid na nakatali ng electrical wire ang mga kamay ng biktima at nakagapos naman ng scotch tape ang mga paa nito. Ilang hiblang litid na lamang ang nag-uugnay sa ulo nito at katawan dahil sa tindi ng pagkakalaslas dito.
Ang mga labi ng biktima ay pansamantalang inilagak sa Santos Funeral Homes para sa awtopsiya. Magkatuwang naman sa pag-iimbestiga ang Cabanatuan City Police Station (CCPS) at Scene of the Crime Operatives (SOCO) para sa pagresolba sa kaso.

UV RAPE SUSPECT NAPATAY

Hindi na sinikatan ng araw ang isa sa mga suspek sa panghahalay sa dalawa nilang pasahero sa UV van matapos itong barilin ng pulis nang tangkain umanong mang-agaw ng baril habang lulan sila ng mobile car kahapon ng madaling araw sa Quezon City.
Kinilala P/Supt. Rodel Marcelo, hepe ng Criminal Investigation Unit (CIDU) ng Quezon City Police District (QCPD) ang suspek na si Alfie ‘Buddy’ Turado.
Base sa ulat, dakong 2:00 ng madaling araw nang mamataan ng mga residente ng Barangay Obrero ang suspek kaya kinuyog nila ito.
Agad namang naalerto ang mga opisyal ng barangay sa kaguluhan at sa kanilang pagresponde ay nasagip si Turado sa mga galit na residente saka dinala sa Kampo Karingal sa opisina ng CIDU para maimbestigahan.
Dito na iniharap si Turado sa naunang nadakip na si Wilfredo Lorenzo ngunit nagturuan ang mga ito kung sino ang humalay sa dalawang dalagang pasahero nila. Giit ni Turado, hindi niya hinalay ang mga biktima at ang tanging ginawa niya ay imaneho ang sasakyan dahil tinutukan din siya ng baril ni Lorenzo.
Kasunod nito ay nakumbinsi ng mga operatiba ng CIDU si Turado na ituro kung saan itinapon ang mga gamit na kanilang kinulimbat sa dalawang pasahero.
Bago isakay sa mobile patrol ang suspek ay nakiusap ito na ilipat sa harapan ang kanyang posas mula sa likuran dahil masakit na ang kanyang kamay at hindi na rin makagalaw dahil sa tinamong bugbog mula sa taumbayan.
Pinagbigyan naman ng mga pulis escort ang kahilingan ni Turado subalit habang binabagtas nila ang kahabaan ng Commonwealth, Tandang Sora patungo sa lugar kung saan umano itinapon ng mga ito ang mga gamit ng mga biktima ay sinubukan nitong agawan ng baril ang isa sa mga awtoridad na naging dahilan upang barilin ito.
Sinubukan pang dalhin sa East Avenue Medical Center ang suspek ngunit idineklara itong dead-on-arrival bandang alas-4 ng madaling araw.
Nasawi si Turado sa isang tama ng bala sa dibdib at leeg.
Samantala, lumutang din sa CIDU ang dalawang babae na itinago sa pangalang ‘Babe’ at Marie at positibong itinuro si Lorenzo na nangholdap sa kanila.
Ayon kay QCPD Director P/Chief Supt. Edgardo Tinio, ikinokonsidera nila na case close na ang nangyaring panghoholdap at panghahalay sa dalawang biktima kasunod ng pagkakahuli kay Lorenzo at pagkakapatay kay Turado.

Ang aktwal na pagsagip ng mga pulis at opisyal ng barangay sa UV rape suspect na si Alfie Turado mula sa mga galit na taumbayan na nanggulpi rito matapos siyang mamataan na umuwi sa kanyang inuupahang bahay sa Rolling Road, Brgy. Obrero, Quezon City. Kuha ang larawan, ilang oras bago napatay si Turado habang sakay ng mobile ng pulis.

WANTED: RECRUITER NG DRUG COURIER

Iniutos na ng mga awtoridad sa Pilipinas ang malawakang pagtugis sa isang Pinay na umano’y nangangalap ng aplikante na pinapangakuan nito ng magandang trabaho sa ibang bansa, iyon pala ay pagbibitbitin nito ng droga mula sa Cambodia patungong Malaysia.
Nabuking ang modus operandi ng suspek na si Evelyn Velasquez, residente ng 369-A Cristobal St., Tondo nang makatakas ang kanya mismong pamangkin na tinangka niyang biktimahin.
Sa salaysay sa tanggapan ng Manila Police District-Children and Women Protection Unit ng 23anyos na dalaga na hindi binanggit ang pangalan, tumakas siya nang matunugan na gagawin siyang courier ng Ecstasy ng kanyang tiyahin.
Ayon sa dalaga, ang kanya umanong tiyahin na si Velasquez ang nag-recruit sa kanya patungong Malaysia at pinangakuan ng magandang trabaho. Napilitan ang dalaga na mag-resign sa kanyang trabaho at nagtiwala dahil kapatid ito ng kanyang ina.
Pagdating umano sa  Malaysia, dinala siya sa isang hotel sa Cambodia at saka sinabihan na lalagyan ng droga ang maleta niya at kanya itong idedeliber sa kliyente. Sa takot ng dalaga ay agad siyang nagtungo sa Consul ng Cambodia at ipinagtapat na biktima siya ng Illegal Recruitment.
Dahil sa mabilis na paghingi ng tulong ng dalaga ay nasagip ito at nakauwi ng bansa. Dito na siya dumulog sa mga awtoridad matapos hindi na niya makontak ang tiyahin at kahit text ay hindi na ito sumasagot sa kanya.
Ikinokonsidera na ngayon ng mga awtoridad ang pag-aresto sa suspek.

60 year old nag-enrol sa Kinder

PINATUNAYAN ng isang 60-anyos na lola na sa kabila ng kanyang edad, maaari pa ring matuto kung desidido.
Sa unang araw ng klase sa Kinder 2 sa New Society Central Elementary School, General Santos City ay agaw-pansin si Lola Delia Tusan, residente ng Lanton, Apopong sa naturang lungsod.
Pumasok siya kasabay ng kanyang mga apo.
Sinabi ni Tusan, hindi pa huli ang lahat para mag-aral dahil mahirap sa isang tao ang walang pinag-aralan.
Marunong na rin siyang magbasa, sumulat ng kanyang pangalan at aktibo sa recitation subalit kailangan pang mahasa ang kanyang karunungan.
Ayon sa kanyang adviser na si Teacher Divine, madaling matuto si Tusan subalit kailangan pa nitong mahasa nang maigi.
Maaaring si Lola Delia na ang pinakamatandang estudyante sa rehiyon at mayroon din isang 37-anyos na ina ang kanyang naging kaklase.

15 OFWs sa Qatar binigyan ng pardon

Ikinatuwa ng Simbahang Katoliko ang pagbibigay ng Emir ng Qatar ng pardon sa 15 detenidong overseas Filipino workers (OFWs) sa naturang bansa.
Ayon kay Balanga Bishop Ruperto Santos, chairman ng Episcopal Commission on Migrants and Itinerant People, ng Catholic Bishops' Conference of the Philippines (CBCP), nagpapasalamat ang simbahan kay Emir, Sheikh Tamim bin Hamad, dahil sa pagbibigay nito ng reprieve sa mga naturang OFWs na nakabilanggo dahil sa iba’t ibang kaso.
“We are appreciative to the kind gestures of the kingdom of Qatar,” pahayag ni Santos.
Kaugnay nito, sinabi ni Santos na dapat na protektahan ng pamahalaan ang mga OFWs at bigyang-halaga ang kanilang mga sakripisyo at mga serbisyo para mabigyan ang kanilang pamilya ng mabuting buhay.
Ayon sa Department of Foreign Affairs (DFA), ang pardon ay inisyu kasabay ng paggunita ng Ramadan.
Nabatid na dalawang beses sa isang taon kung magbigay ng pardon ang Emir at kabilang dito ang buwan ng Ramadan at Qatari National Day tuwing Disyembre.
Ang mga binibigyan umano ng clemency sa naturang bansa ay yaong nakapagsilbi na ng  matagal sa kanilang sentensiya.
Noong nakaraang taon, 22 bilanggong Pinoy ang nabigyan ng Emir ng pardon.

Back to school

Nag-ikot ang mga pulis sa mga paaralan sa kalakhang Maynila kasabay ng pagbubukas ng klase upang siguraduhin ang kaligtasan ng milyong mga mag-aaral.

Sa Caloocan City, kasama ng mga pulis ang mascot na si PO1 Monumento na bumati sa mga batang mag-aaral ng Central Elementary School at Gregoria Elementary School. Nagbigay rin sila ng safety tips at inihayag ang kanilang anti-criminality campaign.

Sa pamamagitan ng kanilang mga mascot, naniniwala ang pamunuan ng Philippine National Police na mapalalapit ang kalooban ng mga bata at magtitiwala sa mga pulis.

Philippine Independence Day activities

Puspusan ang pagsasanay ng mga tauhan ng Philippine Army bago ang pagdiriwang ng Araw ng Kalayaan ngayong araw ng Linggo.

Nagmartsa ang mga ito na bahagi ng programa.

Ang mga kawani naman ng Philippine Navy ay sinanay ang wastong pagtataas at pagtupi ng watawat.

Habang ang grupo ng Air Force ay ipinamalas ang kanilang talento sa pagpapalipad ng mga sasakyang panghimpapawid.

Masayang Araw ng Kalayaan sa mga Pilipino saanmang panig ng mundo. Ipagmalaki ang lahing kayumanggi.

Pangasinan Prov’l Gov’t lays 118th Independence Day rites

Lingayen – The Provincial Government of Pangasinan joins the nation in commemorating the 118th Independence Day today, June 12.
Anchored on the theme “Kalayaan 2016: Pagkakaisa, Pag-aambagan, Pagsulong”, this year’s celebration will be held at the Bengson-Yuson House in Poblacion area here.
A Eucharistic mass at 7 a.m. will headline this year’s event, officiated by Pangasinan Historical and Cultural Commission (PHCC)-member Rev. Fr. Immanuel Norbert S. Escano.
Second part is a general program at 8 a.m., where incumbent Governor Amado T. Espino, Jr. will deliver a message and lead the flower offering with the PHCC commissioners and guests.
Singing of the National Anthem and the Pangasinan Hymn will be rendered by the Pangasinan Provincial Chorale.
The Bengson-Yuson House is one of the cultural edifices restored through the auspices of the Espino Administration, christened last April as the Center for Pangasinan Studies which houses the PHCC and an extension of the Provincial Tourism Office.