Seryoso na talaga ang mga awtoridad sa kanilang kampanya laban sa droga kaya naman puspusan ang kanilang operasyon at kanina lang madaling araw ay nakasamsam sila ng halos 10 kilong shabu.
Ang droga na may street value na P50 milyon ay nakumha sa loob ng inabandonang Honda CRV sa Zamora interlink sa Pandacan, Manila.
Ayon sa mga pulis, bago nadaanan ng mobile patrol ang abandonadong sasakyan ay may nakakita sa dalawang lalaki na tumatakbo pababa sa tulay, bandang alas-2 ng madaling araw.
Kasunod nito ay natuklasan ang kulay berdeng Honda CRV na may plakang RFC-205 na iniwang nakabukas ang pintuan at nasa loob ang susi. May sticker ng Greentown Subdivision Homeowners Association ang sasakyan.
Duda ng pulisya, posibleng natakot ang mga may bitbit ng droga kaya iniwan na lamang nila sa tulay ang sasakyan.
No comments:
Post a Comment